Ақтөбедегі науқастар "Актовегин" қабылдағысы келмейді

16 Маусым 2014, 18:58
0
Ақтөбедегі науқастар "Актовегин" қабылдағысы келмейді - ©aktovegin.su
©aktovegin.su

Ақтөбе емханасының науқастары дәрігердің белгілегеніне қарамастан "Актовегин" дәрі-дәрмегін қолданудан бас тартқан, - деп хабарлайды Tengrinews.kz тілшісі. Науқастар бір ай бұрын аталған препараттың ел территориясындағы тұтынысына тыйым салынғандығынан қауіптеніп отыр.

Марат Оспанов атындағы Батыс Қазақстан мемлекеттік медицина университетінің Неврология кафедрасының жетекшісі Гүлнар Қабдрахманованың пікірінше, бұлай қобалжуға еш негіз жоқ, өйткені аталған дәрі-дәрмек түрі Қазақстанда соңғы 20 жыл бойы қолданылып келеді.

Маманның айтуынша, осы кезең барысындағы ем-домда "Актовегинді" пайдаланған науқастарға қатысты қандай да бір мәселе туындаған емес. Ал препаратқа салынған тыйым жөніндегі  мәліметті "сары басылымдар" таратқан, салдарынан қоғамда "Актовегин" мен дәрігерлер туралы теріс көзқарас орын алған. 

Еске сала кетелік, аталған препаратқа Ақтөбеде 2014 жылдың наурызындағы үш әйелдің өлімінен соң тексеру жүргізілген. Олар үшінші қалалық емханада тамырына "Актовегин" сұйығын тамыздыртқаннан кейін көз жұмған. Осы оқиғадан соң ҚР Денсаулық сақтау министрлігінің бұйрығымен оны еліміздің барлық медициналық мекемелерінде пайдалануға тыйым салынған. Әсіресе, екі сериясына: 10792284 және 10829931. Дәрі-дәрмектерді сараптау жөніндегі ұлттық орталық жүргізген тексеру нәтижесі "Актовегиннің" қауіпсіз  әрі барлық халықаралық стандартқа сай екендігін көрсетті. Ал әйелдердің өліміне олардың жүрегіндегі ақаулары себеп деп танылды. Сөйтіп 11 мамырдан бастап бұл дәрі түрін еліміздің барлық медициналық мекемелері қайтадан қолдана бастады.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай