Қазақстанда референдумға қатысқандар 68 пайыздан асты. Бұл туралы Орталық референдум комиссиясының хатшысы Мұхтар Ерман мәлімдеді, - деп хабарлайды Tengrinews.kz тілшісі.
22.00-дегі алдын ала мәліметтер бойынша, 8 миллион 30 мың 739 адам бюллетень алған. Дауыс беруге келгендер 68,44 пайыз болған.
Дауыс беруге келгендер бойынша көшбасшы Түркістан облысы болды, онда - 80,66 пайыз. Дауыс беруге келгендер саны ең аз тіркелген облыс - Алматы, онда - 33,3 пайыз.
"Референдум комиссиясы дауыстарды санауға кірісті. Ертең аумақтық комиссиялардың хаттамаларының электрон түрде түсуін күтеміз. Дауыс берудің алдын ала қорытындылары брифинг барысында жарияланады", - деді Мұхтар Ерман.
Еске салайық, бұған дейін референдумда 8 миллионға жуық қазақстандық дауыс бергені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
