Реклама +7(700) 388 81 09
  1. Басты
  2. Біл
  3. Жаңалықтар
  4. Ел жаңалықтары

Алматы әуежайында қауіпсіздік шаралары күшейтілді 14 қаңтар 2022, 11:54

Көлік полициясы қызметкерлері Алматы әуежайында қоғамдық тәртіпті қадағалау бойынша қосымша шаралар қабылдады, - деп хабарлайды Tengrinews.kz
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек
  • Қате таптыңыз ба?

Көлік полициясы қызметкерлері Алматы әуежайында қоғамдық тәртіпті қадағалау бойынша қосымша шаралар қабылдады, - деп хабарлайды Tengrinews.kz тілшісі Ішкі істер министрлігінің баспасөз қызметіне сілтеме жасай отырып.

Әуежайдың полиция қызметкерлері күшейтілген режимде жұмыс істеуде. Соның ішінде іздеу салынған адамдарды анықтау жұмыстары жүргізіліп жатыр.

"Авиациялық қауіпсіздік қызметі өкілдерімен бірлесіп, металл іздеу құрылғылары арқылы тексеріс жүргізіліп жатыр. Қазір терминалға кіруге тек ұшатын жолаушыларға рұқсат берілген. Жолаушылар мен олардың жүктері тексеріледі", - деді полиция подполковнигі.

Сондай-ақ, шетел азаматтарының және азаматтығы жоқ тұлғалардың ҚР көші-қон заңнамасы талаптарын сақтауына бақылау күшейтілгені айтылды.

"Қазір еліміздегі санитарлық-эпидемиологиялық жағдай жақсармағанын, керісінше, күн сайын СОVІD-19 жұқтырғандар саны артып отырғанын айтқымыз келеді. Сондықтан азаматтарға әуежай мен басқа да қоғамдық орындарда қауіпсіздік шараларын сақтауды, жеке қорғану құралдарын қолдануды сұраймыз", - деді Алматы әуежайындағы желілік Полиция бөлімінің бастығы Талғат Тәліпов.

Полиция қызметкері жолаушылардан құжаттарды тексеру кезінде полиция қызметкерлерінің әрекеттеріне түсіністікпен қарауды және оларға көмектесуді сұрады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Подпишись на почтовую рассылку Tengrinews.kz. Получай все самое главное за неделю каждую пятницу на свой адрес.


Join Telegram