Алматылықтар жарық сөнгенін айтты, - деп хабарлайды Tengrinews.kz тілшісі.
Алматы тұрғындары электр энергиясының өшкені туралы шағымдануда. Алғашқы хабарламалар 25 қаңтарда сағат 12.08-де түсе бастады.
Алматы қаласында жарық жартылай өшіп қалды. Мысалы, "Қазақфильм", "Ақсай" шағынаудандарында және Жандосов көшесі мен Гагарин даңғылының қиылысындағы үйлерде жарық өшпеген.
Алматы көшелерінде бағдаршамдар жұмыс істемей тұр, жолдарда кептеліс пайда болды.
Сондай-ақ, Алматы, Жамбыл және Түркістан облыстарының тұрғындары да жарық өшкенін айтты.
Алматы әкімдігі өкілі жағдайдың себебі анықталып жатқанын айтты.
БАҚ мәліметінше, Қырғызстанда да электр қуаты өшіп қалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
