+7 (777) 001 44 99
ПОДЕЛИТЬСЯ
Алматы метросының екі жаңа станциясы 18 сәуірде ашылады, - деп хабарлайды Tengrinews.kz тілшісі қала әкімінің орынбасары Юрий Ильинге сілтеме жасап.
Алматы метросының екі жаңа станциясы 18 сәуірде ашылады, - деп хабарлайды Tengrinews.kz тілшісі қала әкімінің орынбасары Юрий Ильинге сілтеме жасап.
"Сайран" станциясы Абай даңғылының Брусиловский және Тілендиев көшелерімен қиылысатын аралығында болады. "Мәскеу" Абай даңғылының Тілендиев және Алтынсарин көшелерімен қиылысатын аралығында орналасқан. "18 сәуірде жаңа станциялардың ашылуы болады - ол "Сайран" және "Мәскеу". Олар қаланың шет аудандарына шығатындықтан, жолаушылар легі артады деп күтіп отырмыз", - деді Ильин. Оның айтуынша, қазіргі таңда Алматы метросы күніне 24 мың жолаушыны тасымалдайды. Сонымен қатар, ол тұрғындарға жайлылық жасау үшін метроны қаланың бүкіл қоғамдық көлігімен байланыстырудың жоспарда бар екенін айтты.
Еске сала кетейік, бұған дейін шенеуніктер станциялардың 2014 жылдың 1 желтоқсанында ашылатынын хабарлаған еді, алайда құрылысшылар бұл уақыттың ішінде аятап үлгермеді. Кейін Алматы метросының жаңа станцияларының 2015 жылдың көктемінде ашылатыны хабарланды. Жүргізіп жаттықтыру мен тестілеу аяқталды.
Айта кетейік, егер 2012 жылы бір тәулікте 15-16 мың жолаушы болса, биыл бұл көрсеткіш 24-25 мың адамға дейін көбейді. "Сайран" және "Мәскеу" аталатын жаңа станциялар іске қосылғаннан кейін жолаушылар ағыны екі есеге ұлғаймақ.
