Алматы облысында 105 жастағы ардагер пәтер ала алмай жүр

23 Сәуір 2015, 09:36
0
Алматы облысында 105 жастағы ардагер пәтер ала алмай жүр - "КТК" кадры
"КТК" кадры

Алматы облысында 105 жастағы ардагер пәтер ала алмай жүр, - деп хабарлайды "КТК" телеарнасы.

Ожан Жұртышеваның туыстарының айтуынша, шенеуніктер оның құжаттарын жоғалтып алған. Ардагер бұдан кейін қайта құжат жасап, тұрғын үй алу үшін кезекке тұруға мәжбүр болған. "Соғыс кезінде, шырағым, дүниеде өгізбенен қарағайды жыққан қиын екен. Оны да жықтым. Кертіп кертіп, арқанмен сүйреп кел дейтін. Істеген еңбегім бар. Маған бір үй тиетін-ақ жөні бар ғой!", - деді ол.

Қазіргі уақытта ардагер немересінің үйінде тұрады. Тоғыз адам болып олар 30 шаршы метр үйде өмір сүреді. Үйде жуынатын бөлме де, дәретханада жоқ. Ал өз пәтерін Ожан Жұртышева 10 жыл бұрын алуы керек болған. 

"Ожан Жұртышева әжей 2005 жылдың 5 сәуірінен бастап "Ұлты отан соғысына қатысушыларына теңестірілген тұлғалар" категориясы бойынша тұр. Осы жылы осы категория бойынша екі пәтер берілді. Бұл, сонда 74-баптың, 1-пункті бойынша тұрғын үй кезектегі орны бойынша үй беріледі", - деді Ербол Серікбаев, Қапшағай әкімдігінің тұрғын үй коммуналдық шаруашылығы бөлімінің басшысы.

Бүгінде Ожан Жұртышева кезекте бесінші болып тұр. Бірақ осы жылы тек екі тыл ардагеріне баспана үлестірілді. 105 жастағы кейуанаға пәтердің қашан берілетіні белгісіз қалып отыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай