+7 (777) 001 44 99
ПОДЕЛИТЬСЯ
Алматы облысында тасжолда қар құрсауында қалған жүргізуші құтқарылды. Ер адам жолдың жабылатыны туралы ескертуге мән бермей жолға шыққан, - деп хабарлайды Tengrinews.kz тілшісі.
Алматы облысында тасжолда қар құрсауында қалған жүргізуші құтқарылды. Ер адам жолдың жабылатыны туралы ескертуге мән бермей жолға шыққан, - деп хабарлайды Tengrinews.kz тілшісі.
22 желтоқсанда сағат 11:17-де Алакөл ауданындағы Үшарал-Достық жолының 92-шақырымында көлік қар құрсауында қалып қойды. Жүргізуші құтқарушыларды шақырған. Оқиға орнына Ақши ауылының жедел-құтқару жасағының үш құтқарушысы "Треколь" көлігімен шыққан. Ауылға дейінгі қашықтық 50 шақырым.
Сағат 14:10-да көлік қар құрсауынан тазартылған жол учаскесіне шығарылды. Жүргізушіге медициналық көмек қажет емес.
Жол 22 желтоқсанда қатты боранға байланысты жабылған болатын. Тұрғындарға жолдың жабылғаны туралы хабарлама жіберілген.
Сурет: Алматы облысы ТЖД
Алакөл ауданында, соның ішінде Үшарал-Достық тасжолында оңтүстік-шығыстан жел соғады, екпіні секундына 17-22 метрге жетеді. Жүргізушілерден бұл бағытта жүруден бас тартуды және SMS хабарламаға назар аударуды сұрады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
