Алматыда 12 жастағы қыздан коронавирус анықталды 15 наурыз 2020, 20:51
Алматыға шет елден келген қыздан коронавирус табылды, - деп хабарлайды Tengrinews.kz тілшісі.
"Алматы қаласында тағы бір сараптамадан коронавирус анықталды. Бұл 2008 жылы туған қыз, бізге Германиядан ұшып келген. Қазіргі уақытта Алматыда жеті, Нұр-Сұлтанда екі жұқтыру дерегі тіркелді", - деді Денсаулық сақтау министрлігінің ресми өкілі Диас Ахметшәріп.
Еске салайық, бұған дейін Қазақстанда коронавирус жұқтырғандардың саны 8-ге жетті хабарланған еді.
Сонымен қатар, Қазақстан Президенті Қасым-Жомарт Тоқаев республикада төтенше жағдай жариялау туралы қаулыға қол қойған болатын.
Қазақстан жаңалықтары. Соңғы жаңалықтар. Telegram желісінде бізге жазыл!