Алматыда №14 маршрут автобустары жаңартылды, - деп хабарлайды Tengrinews.kz тілшісі қала әкімдігіне сілтеме жасап.
Ведомство мәліметінше, қызмет көрсету сапасын арттыру мақсатында 16 қарашадан бастап №14 бағытқа 15 жаңа автобус шығарылады.
"Кейінгі айларда осы бағытта жоспарлы шығу 30-40 пайызға дейін түсіп кеткен болатын. Сондықтан маршрутты басқа тасымалдаушы компанияға беру туралы шешім қабылданды. Алдағы уақытта маршруттағы автобустар саны 18-ге жеткізіледі.
Қалалық мобилділік басқармасы қызмет көрсету сапасын жетілдіру мен жүріс жиілігін арттыру бағытында бірқатар шара қабылдап жатқандығын атап өткен жөн. Маршруттарда туындаған мәселелер кезең кезеңімен жүзеге асырылады", - делінген хабарламада.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
