Алматылық бардың негізін қалаушыға қызметкерін зорлау туралы іс бойынша үкім шықты, - деп хабарлайды Tengrinews.kz.
Сот шешімі
22 сәуірде № 2 Медеу аудандық сотында атышулы қылмыстық істі қарау аяқталды. Процесс қорытындысы бойынша сот ер адамды Қылмыстық кодекстің екі бабы бойынша кінәлі деп таныды:
- 120-баптың 1-бөлігі – "Зорлау";
- 118-баптың 1-бөлігі – "Басқа адамды АИТВ жұқтыру қаупiне көрiнеу душар ету".
Сот 5 жылға бас бостандығынан айыру жазасын тағайындады. Ол жазасын орташа қауіпсіздік қылмыстық-атқару жүйесі мекемесінде өтейді.
Сонымен қатар, 118-баптың 1-бөлігі "Басқа адамды АИТВ жұқтыру қаупiне көрiнеу душар ету" бойынша сотталушы кінәлі деп танылды, бірақ ескіру мерзімінің өтуіне байланысты жауапкершіліктен босатылды.
Сондай-ақ сотталған азамат Жәбірленушілерге өтемақы қорына 20 АЕК (шамамен 86 мың теңге) көлемінде мәжбүрлі төлем төлеуге міндетті. Күзетпен ұстау түріндегі бұлтартпау шарасы өзгеріссіз қалдырылды.
Сондай-ақ сот тараптарға үкімге 15 тәулік ішінде шағымдануға құқылы екенін түсіндірді. Үкім заңды күшіне енген жоқ.
Айыптау мәні
Дау 2025 жылғы наурыздың аяғында өршіді. Бұған әлеуметтік желілерде жарияланған бейнеүндеу себеп болды. Ролик авторы, өзін Е. деп таныстырған қызметкер түнгі ауысымнан кейін бардың қызметтік кабинетінде зорланғанын мәлімдеді. Оның нұсқасы бойынша, мекеменің негізін қалаушы өзінде АИТВ барын нақты біле тұра, онымен келісімсіз және қорғаныс құралдарынсыз жыныстық қатынасқа түскен. Сотталушының өзі зорлау айыбын мойындамады: ол жақындық дерегін растағанымен, бәрі өзара келісіммен болды деп сендірді.
