1. Басты
  2. Біл
  3. Жаңалықтар
  4. Ел жаңалықтары

Алматыда блокбекеттердің орнына экостанция орнатылады

Алматы Жасыл экономика басқармасының жаңа басшысы Наталья Ливинская онлайн-брифинг барысында қаладағы экологиялық жағдайды жақсарту бойынша жоспарларын бөлісті, - деп хабарлайды Tengrinews.kz тілшісі.

Наталья Ливинская ұсынған шаралардың бірі - қалада карантин кезінде жұмыс істеген блокбекеттердің орнында экобекет орнату.

"Бізде карантин кезінде жұмыс істеген блокбекет тұрған жерлерде экобекеттерді іске қосуды жоспарлап отырмыз.

Сондай-ақ, веложолдарды 28 шақырымға ұзарту жоспарланып отыр және қоғамдық көлік үшін бөлінген жолақтарды ұлғайтамыз. Сонымен қатар, жақын арада қаланы аралап жүріп пайдаланылған газды өлшейтін мобильді зертханаларды іске қосамыз", - деді басқарма басшысы.

Сондай-ақ, ол қала тұрғындарына ЛЭД-экрандар арқылы ластану туралы ақпарат беру жоспарланғанын айтты. 26 аспап жұмыс істеп тұр, бұл қоғамдық және "Қазгидромет" құралдары, олардың санын 10-ға арттыру жоспарланып отыр. 

Қазақстан жаңалықтары. Соңғы жаңалықтар. Telegram желісінде бізге жазыл!