+7 (777) 001 44 99
Қазақша
Русский
English
Қазақша
Русский
English
Алматы әкімдігі Райымбек даңғылы бойынша өтетін BRT құрылысы басталатын мерзімді жариялады, - деп хабарлайды Tengrinews.kz тілшісі.
23 сәуірден бастап Алматыдағы Райымбек даңғылында қаладағы ең ірі көлік жобасының бірі BRT желісін іске асыру жұмыстары басталады.
Жоба үш бөлікке бөлінген:
- Пушкин көшесі – Сейфуллин даңғылы (1,8 шақырым)
- Сейфуллин даңғылы – Ахрименко көшесі (7,2 шақырым)
- Ахрименко көшесі – Алтын Орда (7,5 шақырым)
Алматы әкімдігі
Құрылыс екі кезеңнен тұрады
Бірінші кезеңде, яғни 21 сәуірден маусымға дейін құрылыс-монтаж жұмыстары жүргізіледі. Бұл кезеңде жол бойында жұмыс басталады: бір шеткі оң жақ жолақ уақытша жабылады, ал әр бағытта үш жолақпен қозғалыс сақталады.
Екінші кезең маусымнан басталады, жаңа асфальт төселіп, жол таңбалары сызылып, бағдаршамдар жаңартылады. Сонымен қатар, тротуарлар, жасыл аймақтар, велосипед жолдары, балалар және спорт алаңдары көркейтіледі.
Қала тұрғындарына құлаққағыс
"Құрылыс жұмыстары кезінде тұрғындар мен қала қонақтары қолайсыздықты барынша аз сезінуі және қауіпсіз жүріп-тұруы үшін барлық жағдай жасалады", - деп жазылған хабарламада.
Жаяу жүргіншілер үшін:
- жөндеу учаскелері бойымен жаяу жүргіншілер бағыттары ұйымдастырылады;
- қоршаулар, пандустар және жарық шағылыстырғыш элементтер орнатылады.
Қоғамдық көлікпен қатынайтын жолаушылар үшін:
• жөндеу жұмыстары кезеңінде уақытша аялдамалар қойылады, олар негізгі маршруттарға барынша жақын орналастырылады.
Жұмыс қашан аяқталады?
Әкімдік мәліметінше, негізгі жұмыстарды 2025 жылдың соңына дейін аяқтау жоспарланып отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
