+7 (777) 001 44 99
ПОДЕЛИТЬСЯ
Алматыда элиталы үйлер мен пәтерлердің иелері бюджетке 167 миллион теңге қарыз, - деп хабарлайды Tengrinews.kz тілшісі Мемлекеттік кірістер басқармасының Медеу ауданы бойынша баспасөз қызметінің өкілдеріне сілтеме жасап.
Алматыда элиталы үйлер мен пәтерлердің иелері бюджетке 167 миллион теңге қарыз, - деп хабарлайды Tengrinews.kz тілшісі Мемлекеттік кірістер басқармасының Медеу ауданы бойынша баспасөз қызметінің өкілдеріне сілтеме жасап.
Баспасөз қызметіндегілердің мәліметінше, ведомство өкілдері мүлік және жер салығы бойынша қарыздарды өндіруге қатысты жұмыстарды жүргізіп жатыр.
"Мүлік және жер салығын төлеу мерзімі 2017 жылдың 1 қазанында аяқталғанына қарамастан, элиталы пәтерлер мен үйлердің иелері қарызын төлеуге асығар емес. Ол үйлердің көбі Достық даңғылында, Қыз Жібек, Оспанов, Оңдасынов, Горный көшелерінде, Көктөбе мен Горный гигант жақта орналасқан", - делінген Мемлекеттік кірістер басқармасының хабарламасында.
Мысалы, Достық даңғылында орналасқан үйлердің бірінің иесі бюджетке 1,1 миллион теңге қарыз екен. Сондай-ақ, ведомство өкілдерінің айтуынша, бірнеше пәтері бар алматылықтар да салық төлемей жүр.
