Қазақстандағы эпидемиологиялық жағдайдың тұрақталуына байланысты өңірлерде карантин жеңілдетіледі. Алайда Алматыда карантин шектеулері кеш жеңілдейді, - деп хабарлайды Tengrinews.kz тілшісі Ведомствоаралық комиссияның (ВАК) мәліметіне сілтеме жасап.
"Эпидемиологиялық жағдайды ескере отырып, Алматыда карантин шараларын жеңілдетуді демалыс күндері 4 қыркүйектен бастап, жұмыс күндері - 6 қыркүйектен бастап енгізу жоспарланған", - делінген хабарламада.
Бұған дейін Қазақстанның қалған өңірлеріне 28 тамыздан бастап жеңілдіктер енгізу жоспарланғаны хабарланған болатын. Ashyq-пен жұмыс істейтін нысандарға демалыс күндері түн ортасына дейін, ал Ashyq "көшбасшыларына" түнгі екіге дейін жұмыс істеуге рұқсат берілуі мүмкін.
Айта кетейік, Алматы коронавирустың таралуы бойынша "қоңыр-қызыл" аймақта. Өткен тәулікте қалада коронавирустың 1590 жаңа жағдайы анықталғаны хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
