+7 (777) 001 44 99
ПОДЕЛИТЬСЯ
Алматы қалалық ІІД басшысы, полицияның генерал-майоры Серік Күдебаев Алматыда Шығыс айналма жолында табылған баланың әкесінің туыстарымен кездесті, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
Алматы қалалық ІІД басшысы, полицияның генерал-майоры Серік Күдебаев Алматыда Шығыс айналма жолында табылған баланың әкесінің туыстарымен кездесті, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
Мұның алдында кеше түнде көшеде жиналған Мұрат Асқароғлының туыстары мен көршілеріне барлық жағдай түсіндірілген болатын.
"Мен жиналғандармен өзім жеке сөйлестім. Конструктив диалог болды, сұрақтар қойылды, сұрақтарға расталған жауаптар берілді. Мұрат Асқароғлының туыстары онымен кездескісі келетінін айтты. Оларға бұл мүмкіндік берілді: олар Департаменттің ғимаратында көрісті. Мұрат оларға сол күні не болғанын айтып берді. Сол кездесуден кейін барлығы тарады", - деді Алматы қалалық ІІД басшысы Серік Күдебаев.
Полиция өкілдері жиналғандардың тарапынан қоғамдық тәртіп бұзушылық тіркелмегенін айтып өтті.
Мұның алдында Алматы денсаулық сақтау басқармасындағылар Шығыс айналма автожолында табылған баланың жағдайын айтып берген болатын. Дәрігерлердің мәліметінше, бүгін баланың жағдайында оң өзгеріс байқалған.
Еске сала кетейік, осыған дейін Алматыдағы Шығыс айналма автожолында ессіз күйде табылған 4 жасар Мұхамад Асқароғлыны өз әкесі таспен ұрғаны анықталған еді. Баланың әкесі Мұрат Асқароғлы бұл қылмысты өзі жасағанын мойындап, мас күйде болғанын айтқан болатын.
