Алматылықтар Әл-Фараби даңғылындағы көлік коллапсына шағымданды. Қалалық магистральдегі ұзын-сонар кептелістің видеолары Instagram-пабликтерде пайда болды, - деп хабарлайды Tengrinews.kz тілшісі.
Видеодағы сипаттамада автор "Әл-Фараби даңғылы 35 градус ыстықта бір сағаттан астам уақыт бойы жабық тұр" деп хабарлаған.
Сондай-ақ, видеода Сайын көшесінің оңтүстік бағыты бойынша да кептеліс байқалады. Адамдар не болып жатқанын түсіне алмай дал.
Жүргізушілер Instagram-пабликтерге жолдаған ақпараттарға сәйкес, Әл-Фараби даңғылында көліктер толығымен тұрып қалған. Сайын мен Жандосов көшелерінің квадраты, сондай-ақ Асқаров көшесінде де кептеліс.
"Орбита ықшамауданының бүкіл аумағы тоқтап тұр. Мұстафин мен Торайғыров көшелерінде де қозғалыс қиындаған. Алдын ала мәлімет бойынша, қаланың осы секторында қозғалыс уақытша қиындаған немесе толықтай тоқтаған", – деп хабарлайды 100baksoff_almaty Instagram-паблигі.
Біз аталған жағдайға қатысты пікір алу үшін қалалық полицияға жүгіндік.
Еске салайық, бұған дейін Қазгидромет Алматыда қатты ыстық болатынын ескерткен еді. 16 мамырда Алматыда ауа температурасы +34…+36 градусқа дейін жетіп отыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!