+7 (777) 001 44 99
Қазақша
Русский
English
Қазақша
Русский
English
Алматыда қоғамдық кеңестің екінші отырысында қалалық "Сайран" мен "Саяхат" автовокзалдарының мәселелері талқыланды, - деп хабарлайды Tengrinews.kz тілшісі.
Кездесуге нысандар орналасқан аудандардың әкімдік өкілдері келді.
"Сайран" бойынша проблемалар бар. Былтыр 40-қа жуық сауда орнының жұмысы тоқталды. Сондай-ақ, нысандардың архитектуралық қалпын жетілдіру бойынша келіссөздер жүргізілді. Олар бұл мәселеге түсіністікпен қарады: ғимаратты басқа біреуге беру немесе оны толықтай модернизациялау туралы шешім қабылданады. Осы мәселе бір апта ішінде шешіледі, қарастырылып жатыр", - деді Әуезов ауданы әкімінің орынбасары Еркебұлан Оразалин.
Ал "Сайран" автовокзалы директорының орынбасары Ерлан Әбілдаев нысанның тасымалдаушы ретінде жұмыс істей беретінін айтты.
"Меншік иесі автовокзалдың жұмыс істейтінін айтты, көлік тасымалы жүргізіледі. Біз жыл сайын жөндеу жұмыстарын жүргіземіз, оған жыл сайын 25-30 миллион теңге бөлінеді. Автовокзал ғимаратының 70 пайызы шыныдан салынған. Сондықтан шыныларды ауыстырамыз", - деді Ерлан Әбілдаев.
"Саяхат" автовокзалы жайлы айта келе, Жетісу ауданы әкімі аппаратының басшысы Вячеслав Вавилин қазіргі уақытта автовокзал аумағында сауда орындарын жою шаралары жүргізіліп жатқанын хабарлады.
Сондай-ақ, "Саяхат Инвест" ЖШС директоры Тимур Имашев "Саяхаттағы" базардың сүрілетінін айтты.
