+7 (777) 001 44 99
ПОДЕЛИТЬСЯ
Алматыдан биіктегі тауларда екі тәулік ішінде 20-ға жуық қар көшкіні болды деп хабарлайды қалалық төтенше жағдайлар қызметіне сілтеме жасаған Tengrinews.kz. Көшкінге Кіші Алматы өзені бассейнінің жоғарғы бөлігінде ауаның жылынуы мен күртік қардың сырғақ болуы себеп. 28 қаңтар күні жалпы көлемі 10 мың текше метр болатын екі қар көшкіні тау шаңғысы жолына және Талғар асуына құлаған. 29 қаңтар күні қар 16 рет көшкен. Жалпы көлемі - 32,9 мың текше метр. Көшкіндердің бәрі өзенге дейін жеткен, біреуі Тұйықсудан биіктегі жолға түсті. Зардап шеккен адамдар жоқ, ешқандай нысанға нұқсан келмеді. "Осыған байланысты тұрғындардан, қала қонақтары мен туристерден таулы өңірлерге барудан бас тартып, қауіпсіздік ережелерін сақтауды сұраймыз", - дейді төтенше жағдайлар департаментінің мамандары. Бүгін мамандар тауда жарылғыш заттардың көмегімен көшкінді қолдан түсірудің амалын жасаған. Соның нәтижесінде 3 мың текше метр көшкін түсті. Айта кетейік, соңғы күндері Алматыда қар толассыз жауып тұр. Бұған дейін қала аумағынан КамАЗ-дармен 500 реттен астам қар шығарылғаны хабарланды. Барлығы 4 мың текше метр қар қала сыртына шығарылды. Алдымен көлік қозғалысы қиын көшелердің қары тазартылды.
Алматыдан биіктегі тауларда екі тәулік ішінде 20-ға жуық қар көшкіні болды деп хабарлайды қалалық төтенше жағдайлар қызметіне сілтеме жасаған Tengrinews.kz.
Көшкінге Кіші Алматы өзені бассейнінің жоғарғы бөлігінде ауаның жылынуы мен күртік қардың сырғақ болуы себеп.
28 қаңтар күні жалпы көлемі 10 мың текше метр болатын екі қар көшкіні тау шаңғысы жолына және Талғар асуына құлаған. 29 қаңтар күні қар 16 рет көшкен. Жалпы көлемі - 32,9 мың текше метр. Көшкіндердің бәрі өзенге дейін жеткен, біреуі Тұйықсудан биіктегі жолға түсті. Зардап шеккен адамдар жоқ, ешқандай нысанға нұқсан келмеді.
"Осыған байланысты тұрғындардан, қала қонақтары мен туристерден таулы өңірлерге барудан бас тартып, қауіпсіздік ережелерін сақтауды сұраймыз", - дейді төтенше жағдайлар департаментінің мамандары.
Бүгін мамандар тауда жарылғыш заттардың көмегімен көшкінді қолдан түсірудің амалын жасаған. Соның нәтижесінде 3 мың текше метр көшкін түсті. Айта кетейік, соңғы күндері Алматыда қар толассыз жауып тұр. Бұған дейін қала аумағынан КамАЗ-дармен 500 реттен астам қар шығарылғаны хабарланды. Барлығы 4 мың текше метр қар қала сыртына шығарылды. Алдымен көлік қозғалысы қиын көшелердің қары тазартылды.
