Танымал "Алматының түндері-ай" хитінің авторы, ақын Құрманай Бақтиярқызы өмірден озды, - деп хабарлайды Tengrinews.kz тілшісі.
Қайғылы оқиға туралы бүгін белгілі болды. Ақынның парақшасында балалары қайғылы жаңалықты бөліскен жазба пайда болды.
"Анама деген махаббаттарыңызға рахмет", - делінген жазбада.
Посттың астында ақынның жанкүйерлері көңіл айтты.
"Жатқан жері жайлы болысын", "Қандай қайғылы жаңалық", "Қайғыра көңіл айтамыз", - деп жазды желі қолданушылары.
Құрманай Бақтиярқыз соңғы айларда денсаулығына байланысты күрделі жағдайда болған. Көптеген хиттердің авторы тек поэзиясымен ғана емес, сонымен қатар жүргізуші ретінде де танымал болды. Құрманай 200-ден астам ән жазған, олардың көпшілігін қазақстандық танымал әртістер орындайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
