+7 (777) 001 44 99
Қазақша
Русский
English
Қазақша
Русский
English
Астана су қоймасы 55 жылдан кейін алғаш рет тазартылып жатыр. Кешенді тазарту жұмысын Су ресурстары және ирригация министрлігінің қолдауымен "Қазсушардың" Ақмола облысындағы филиалы жүргізеді, - деп хабарлайды Tengrinews.kz тілшісі.
Астана су қоймасы 1970 жылы пайдалануға берілген. Биыл Астана су қоймасынан 50 мың тонна лай шығару жоспарланған. Бұл жұмыстар қазанның аяғына дейін жалғасып, жыл сайын 13 жыл бойы жүргізіледі.
"Нәтижесінде Астана су қоймасының сыйымдылығы 47 миллион текше метрге артады. Нысан көбірек су жинап, елорда тұрғындарын сумен қамтамасыз етуді жақсартуға мүмкіндік береді", - делінген хабарламада.
"Президенттің тапсырмасын орындау үшін арнайы мамандар тобы құрылды. Барлық қызметкер арнайы техникамен жұмыс істеу үшін қажетті оқытудан және дайындықтан өтті. Астана су қоймасы - елорданы сумен қамтамасыз етуде маңызды рөл атқаратын стратегиялық нысан. Заманауи техниканың арқасында біз бұл су қоймасын жарты ғасырдан кейін алғаш рет тазартып, жұмысты жақсы әрі тиімді атқара аламыз", – деді Су ресурстары және ирригация министрі Нұржан Нұржігітов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
