Астанаға алғашқы қар жауды, - деп хабарлайды Tengrinews.kz тілшісі.
Қазір қалада ауа температурасы 0 градус шамасында. Желдің жылдамдығы секундына 3 метр.
Айта кетейік, бұл соңғы жылдардағы ең ерте жауған қар. Елордада алғашқы қар 2021 жылы 4 қазанда, ал 2020 жылы 7 қазанда жауған болатын.
Еске салайық, өткен аптада Қазгидромет алдағы күндері ауа райы нашарлап, жаңбырдың арты қарға ұласатынын ескерткен болатын.
Бүгін күндіз ауа температурасы 3-5 градус, түнде 6-8 градус аяз болады. Ертең және бүрсігүні күн жылынады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
