+7 (777) 001 44 99
ПОДЕЛИТЬСЯ
Алматы қаласының бас санитария дәрігері Жандарбек Бекшин ауруханаға вакцина алғандар 20 есе аз түсетінін мәлімдеді, - деп хабарлайды Tengrinews.kz тілшісі.
Алматы қаласының бас санитария дәрігері Жандарбек Бекшин ауруханаға вакцина алғандар 20 есе аз түсетінін мәлімдеді, - деп хабарлайды Tengrinews.kz тілшісі.
Брифинг барысында Алматының бас санитария дәрігері ауырғандар санының азаюына және карантин шараларының әлсіреуіне қарамастан, қала тұрғындарынан демалатын жерлерге бармауды сұрады.
"Қала әлі де "қызыл" аймақта. Біздің міндетіміз - шектеу шараларына бағынып ауру жұқтыру санын азайту", - деді Алматының бас санитария дәрігері.
Қазіргі уақытта күн сайын коронавирусқа қарсы шамамен 3 мың адам вакцина алады. Бас санитария дәрігер қала тұрғындарының алдында вакцина алғандардың санын 75 пайызға және одан да көпке тезірек жеткізу міндеті тұрғанын айтты.
"Тұрғындардан күмәндануды тоқтатуды сұраймын. Вирус жұқтыру қаншалықты қиын екенін көрдіңіз. Біз реанимациядағы адамдардың қандай күйде, қалай азап шегіп жатқандарын көрсеттік. Әсіресе егде жастағы адамдарға тезірек вакцина алуды сұраймын, өйткені өлім-жітім 65 жастан асқан адамдар арасында көп. Тек вакцина ауруды жеңілдетуге көмектеседі", - деді Бекшин.
Бекшин вакцина аурудан 100 пайыз қорғамайтынын да айтты. Вакцина жаңа "дельта" штамынан 80 пайыз қорғайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
