Бақыт Ибрагим Жомарт Ертаевтың ісі бойынша күдікті болып шықты

28 Мамыр 2018, 16:51
0
Бақыт Ибрагим Жомарт Ертаевтың ісі бойынша күдікті болып шықты - © Tengrinews.kz
© Tengrinews.kz

Таяуда Германияда ұсталған Qazaq Banki акционері Бақыт Ибрагим банкир Жомарт Ертаевтың ісі бойынша күдікті болып шықты, - деп хабарлайды Tengrinews.kz тілшісі Мемлекеттік қызмет және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.

"Антикоррупциялық қызмет "Bank RBK" АҚ-дан алдау және сенімге кіру арқылы аса ірі көлемде қаражат жымқыру дерегі бойынша қылмыстық істің тергеліп жатқанын хабарлаймыз. Іс бойынша Ж.Ертаев (Банк басқарма төрағасының бұрынғы кеңесшісі) және Б.Ибрагим күдікті деп танылған. Алдын ала тергеу барысында олардың қылмысын Қылмыстық кодекстің 190-бабы 4-бөлігінің 2-тарауы (Аса ірі көлемде жасалған алаяқтық) бойынша бағамдауға мүмкіндік беретін жеткілікті дәлел табылды. Ертаев пен Ибрагим тергеу органдарынан шетелде жасырынғандықтан, оларға соттың шешімімен халықаралық іздеу жарияланып, "қамауда ұстау" түріндегі бұлтартпау шарасы таңдалған", - делінген ведомствоның редакция сауалхатына берген жауабында.

Сондай-ақ, Бақыт Ибрагимнің биылғы 23 сәуірде Германия Федеративтік Республикасының Франкфурт қаласында ұсталды, ал Ертаев биылғы 8 мамырда Ресей Федерациясының Мәскеу қаласында ұсталғаны айтылады. 

"Бас прокуратура Ресей мен Германияның құзырлы органдарына оларды Қазақстан Республикасына экстрадициялау туралы сұраныс жолдады. Тергеліп жатқан қылмыстық істің өзге мәліметтері Қылмыстық-процестік кодекстің 201-бабының 1-бөлігіне сәйкес тергеу мүддесіне байланысты жарияланбайды", - дейді Антикоррупциялық қызметөкілдері.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай