Биыл коронавирустан біржола арылу жылы болуға тиіс - Тоқаев 01 сәуір 2021, 16:20
Мемлекет басшысы биыл еліміз коронавирустан біржола арылу жылы болуы керек екенін мәлімдеді, - деп хабарлайды Tengrinews.kz тілшісі.
Бұл туралы ол коронавирус инфекциясына қарсы іс-қимыл шаралары бойынша кеңесте айтты.
"Биыл - қастерлі Тәуелсіздігімізге 30 жыл. Бұл жыл пандемиямен күрестегі түбегейлі бетбұрыстың және коронавирустан біржола арылудың жылы болуға тиіс деп санаймын", - деді Тоқаев.
Бұған дейін Тоқаев Қазақстанда коронавирус індеті қайта өршіп бара жатқанын айтқан болатын. Сондай-ақ, денсаулық сақтау министрі Алексей Цой мен үкіметті сынға алған еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!