14 шілде 2021 12:35

Блогер Маңғыстауда шаруалар малға қалай картон беретінін көрсетті

ПОДЕЛИТЬСЯ

Фото: Азамат Сәрсенбаев/Facebook Фото: Азамат Сәрсенбаев/Facebook

Ақтаулық блогер Азамат Сәрсенбаев Маңғыстау облысында шаруалар малға қалай картон беретінін көрсетті. Оның айтуынша, үнемдеу үшін малға картонға кебек пен қалдық қосып береді екен, - деп хабарлайды Tengrinews.kz тілшісі.


Ақтаулық блогер Азамат Сәрсенбаев Маңғыстау облысында шаруалар малға қалай картон беретінін көрсетті. Оның айтуынша, үнемдеу үшін малға картонға кебек пен қалдық қосып береді екен, - деп хабарлайды Tengrinews.kz тілшісі.

Азамат Сәрсенбаев Facebook желісіндегі парақшасында Ақтаудан 350 шақырым жерде орналасқан Ақшымырау ауылынан шағын фотоесеп жариялаған. Ол жергілікті шаруалар мал жем-шөбіне картонды қалай қосып беретінін көрсеткен.    

Қуаңшылыққа байланысты қымбаттап кеткен шөпті үнемдеу үшін шаруалар картонды суға езіп, сосын еріген картонды кебекпен және қалдықтармен араластырып береді. 

Желі қолданушылары мұндай технология баяғыдан қолданылып келе жатқанын жазған. Жем-шөпке картон қосып беру жануарлардың ас қорыту жүйесінің қалыпты жұмыс істеуіне әсер етеді екен. 

Еске салайық, маусымда Маңғыстау облысында тұрғындар малға шөп орнына картон беріп жүргені туралы ақпарат тараған болатын. Әлеуметтік желілерде түйелер мен жылқылардың картон жеп тұрғаны түсірілген видео таралды. Видео авторының айтуынша, фермерлер қиын жағдайдан осылай шығуға мәжбүр. Ол өңірде жем-шөп тапшы екенін айтады. Сондай-ақ, видеода биыл жауын-шашын болмай жайылымдар құрғап қалғаны айтылған.

Артынша жануарлар дүниесі бойынша қазақстандық ғалым Нұрадин Әлібаев бұл дұрыс емес екенін және ол түйелерге зиян болуы мүмкін екенін айтқан еді. Ғалымның айтуынша, жануарлардың тамағында микроэлементтер балансы болуы керек, оларды бұлай асыраған дұрыс емес.  

Картон беру дұрыс емес - ғалым түйелерге қатысты видео туралы

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети