1. Басты
  2. Біл
  3. Жаңалықтар
  4. Ел жаңалықтары

Дәрігерлер Алматыда болған жантүршігерлік жол апатынан зардап шеккендердің жағдайын айтып берді

Дәрігерлер Алматыда болған жантүршігерлік жол апатынан зардап шеккендердің жағдайы жайлы айтып берді, - деп хабарлайды Tengrinews.kz тілшісі Алматы қалалық Денсаулық сақтау басқармасының баспасөз қызметіне сілтеме жасап.

Денсаулық сақтау басқармасының мәліметінше, ауруханаға 11 адам жеткізілді. Олардың ішінде үш бала бар.

"Төрт адам Орталық қалалық ауруханаға жедел жәрдем көлігімен жеткізілді: 30 жастағы науқас ашық бассүйек ми жарақатын алды, 23 жастағы науқас жабық басcүйек ми жарақатын, 50 жастағы науқас жабық бассүйек ми жарақатын алған, миы шайқалған, ал 26 жастағы науқас сирағын жарақаттаған", - деді дәрігерлер.

Сондай-ақ, олардың айтуынша, зардап шеккен екі адам Жедел медициналық көмек ауруханасына жеткізілді.

49 жастағы ер адам  №5 ауруханаға, ал 27 жастағы зардап шеккен адам №4 ауруханаға жеткізілді.

Бес және сегіз жастағы екі бала ауруханаға жабық бассүйек жарақатымен жеткізілсе, 13 жастағы жасөспірім білегін жарақаттап алған.

Еске сала кетейік, бүгін Алматыда жантүршігерлік жол апаты болды.