Денсаулық сақтау вице-министрі Ажар Ғиният қазақстандықтарға коронавирустың екінші толқынына қалай дайындалу керегін айтты, - деп хабарлайды Tengrinews.kz тілшісі.
Денсаулық сақтау вице-министрі Ажар Ғиният қазақстандықтарға коронавирустың екінші толқынына қалай дайындалу керегін айтты, - деп хабарлайды Tengrinews.kz тілшісі.
"Бүгінгі таңда барлық емханада коронавирусты амбулаториялық емдеуге арналған дәрі-дәрмектер бар. Бұл біздің дәрігерлер тағайындайтын бес дәрі. Сондықтан коронавирус инфекциясының болуы мүмкін екінші толқынына дайындық үшін дәрі-дәрмектерді сатып алудың қажеті жоқ.
Сондай-ақ, тегін дәрі-дәрмектер тізімінде өткір респираторлық вирустық инфекциялармен, сондай-ақ әртүрлі бактериялық пневмониямен ауыратын науқастарды қамтамасыз ету бар. Тізімге дене қызуын түсіретін және қабынуға қарсы препараттар, сондай-ақ антибиотиктер кіреді. Барлық препаратты пациенттің жағдайы бойынша учаскелік дәрігер тағайындайды", - деді вице-министр ОКҚ онлайн-брифингінде.
Ол әлеуметтік қашықтық пен қоғамдық орындарда бетперде тағуды ұмытпау керегін еске салды.
"Әрине, қазір өз-өзіңді қорғау керек - әлеуметтік қашықтық сақтап, үнемі бетперде тағып және адамдар көп жиналатын жерлерге бармаған жөн. Тіпті емханаларда біз қазір екінші толқынға, жалпы вирустық инфекциялардың маусымдық өсуіне дайындалып жатырмыз. Санитарлық ережелерді сақтау керек", - деді Ажар Ғиният.
Қазақстан жаңалықтары. Соңғы жаңалықтар. Telegram желісінде бізге жазыл!
