Демалыс күндері еліміздің бірқатар аймағында ауа райы жауын-шашынды болады, - деп хабарлайды Tengrinews.kz тілшісі "Қазгидромет" кәсіпорнына сілтеме жасап.
Синоптиктердің мәліметінше, алдағы күндері Қазақстанның көп бөлігі атнициклонның әсерінде болады. "Бірақ сенбі күні республикамыздың батысына Ресейдің Еуропалық оңтүстік аумағынан екпінді циклон шығып, басқа да аумақтарға жайыла отырып, шығысқа қарай ығысады. Осы циклонның әсерінен ауа райы жауын-шашынды, күңгірт болады. Жаңбыр, сулы қар жауып, көктайғақ, тұман болады және жылдамдығы секундына 15-20 метрге дейін жететін жел тұрады", - делінген кәсіпорын хабарламасында.
Температураның нормадан аномальді жоғарылығы сақталады, алайда солтүстік облыстарда температура сәл төмендеп, климаттық нормаға жақындайды.
