Елбасы Президент Әкімшілігінің басшылық құрамымен кездесті

03 Сәуір 2014, 15:13
0
Елбасы Президент Әкімшілігінің басшылық құрамымен кездесті - Нұрсұлтан Назарбаев. ©Аkorda.kz
Нұрсұлтан Назарбаев. ©Аkorda.kz

Мемлекет басшысы Нұрсұлтан Назарбаев Президент Әкімшілігінің басшылық құрамымен кездесті, деп хабарлайды Тengrinews.kz Ақорданың баспасөз қызметіне сілтеме жасап.

Кездесу барысында Мемлекет басшысы Кәрім Мәсімовке Президент Әкімшілігі басшысының қызметінде атқарған жұмысы үшін алғыс айтты. "Бұл шешім осындай күрделі кезеңде Үкімет жұмысына тың серпін беру үшін қабылданды. Біздің "Қазақстан – 2050" Стратегиясы аясында мақсаттарымыз бар және Үкімет оларға қол жеткізу үшін жасалатын жұмысты жандандырғаны жөн. Бұл міндет жауапты әрі оңай емес", – деді Нұрсұлтан Назарбаев.

Сондай-ақ, Қазақстан Президенті өз жарлығымен Әділбек Жақсыбековтің Қазақстан Республикасының Мемлекеттік хатшысы лауазымына тағайындалғанынан хабардар етті. "Мемлекеттік хатшы кең ауқымдағы міндеттерді атқарады, ал Жақсыбековтің бұдан бұрынғы қызмет салаларында жинаған тәжірибесі мен білімі жаңа қызметіндегі міндеттерді шешуге айтарлықтай септігін тигізетін болады", – деді Мемлекет басшысы.

Бұдан бөлек, Нұрсұлтан Назарбаев Президент Әкімшілігі басшысы лауазымына Нұрлан Нығматулинді тағайындағаны туралы мәлімдеп, оның өңірлік деңгейде де, орталық деңгейде де мол жұмыс тәжірибесі бар екенін атап өтті. "Өздеріңіз білетіндей, Президент Әкімшілігіне жоғары жауапкершілік жүктелген, мемлекеттік басқару жүйесінің тиімділігі сіздердің жұмыстарыңызға байланысты. Сондай-ақ Әкімшілік өңірлік және орталық атқарушы органдардың жұмысын үйлестіре отырып, қабылданған шешімдер мен тапсырмалардың орындалуын қадағалайтын негізгі бақылаушы орган болып саналады. Осыған байланысты негізгі міндет – ел азаматтарының мүддесіне сай келетін барлық қажетті шешімдердің қабылдануын қамтамасыз ету және жүзеге асыру", – деді Қазақстан Президенті.

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай