Елімізде ауа температурасы күрт жоғарылайды

13 Наурыз 2014, 11:13
0
Елімізде ауа температурасы күрт жоғарылайды - ©Vesti.kz
©Vesti.kz
Елімізде ауа температурасы күрт жоғарылайды - ©Нұрғиса Елеубеков
©Нұрғиса Елеубеков
Наурыздың 13-15-і күндері елімізде ауа температурасы осы кезең үшін қалыпты мөлшерден 5-10 градусқа жоғары болады деп хабарлайды Tengrinews.kz "Қазгидромет" РМК баспасөз қызметіне сілтеме жасап.

Синоптиктердің мәліметінше, Қазақстанның көптеген облысының аумағында ауа температурасының күрт көтерілуіне Орталық Азия аудандарынан жылудың көп таралуы себеп. "Температураның бұлай көтерілуі Каспий теңізінде қалыптасып, Қазақстан аумағы арқылы батыстан шығысқа жылжитын циклонның басталатынын білдіреді. Осы циклонның әсерінен республикада жауын-шашын мен көктайғақ болып, батыстан соғатын жел 15-20 м/с-ке күшейеді, ал оңтүстік пен шығыстың таулы аудандарында қар көшкіні болуы мүмкін", - делінген хабарламада.

Айта кетейік, "Шымбұлақ" қар көшкіні станциясының мәліметінше, 10-11 наурыз күндері жүргізілген тексерудің нәтижесінде Кіші Алматы өзені бассейніндегі жеті көшкінжинағыш бөгетте жалпы көлемі 4100 текше метр болатын қардың көшкені анықталды. Зардап шеккендер мен басқа да шығындар жоқ.



  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай