+7 (777) 001 44 99
ПОДЕЛИТЬСЯ
Павлодар облысында демалыс күндеріне локдаун енгізіледі, - деп хабарлайды Tengrinews.kz тілшісі.
Павлодар облысында демалыс күндеріне локдаун енгізіледі, - деп хабарлайды Tengrinews.kz тілшісі.
Осылайша Павлодар облысында демалыс күндері бірқатар қоғамдық нысанның жұмысына тыйым салынады. Карантин шаралардың күшеюі коронавирус жұқтырғандар саны өсуімен байланысты.
Шектеу және карантин шаралары туралы жаңа қаулыны өңірдің бас санитар дәрігері қабылдады. Өзгерістер қоғамдық тамақтану объектілерінің, жабық базарлардың, сауда үйлері мен орталықтардың, қоғамдық көліктің, қалааралық және ауданаралық жолаушылар тасымалының жұмыс режиміне қатысты.
"Қоғамдық тамақтану нысандарының жұмысы сағат 9-дан 20.00-ге дейін және жеткізу 22.00-ге дейін қысқарады. Сенбі және жексенбі күндері сауналар, салқын базарлар, сауда орталықтары, сауда үйлері, азық-түлік емес дүкендер мен қоғамдық көліктердің жұмысы тоқтатылады. Бұдан басқа, ұйымдар мен мекемелер қызметкерлерінің 80 пайызы қашықтан жұмыс істеу форматына ауыстырылады", - деді Павлодар облысы санитарлық-эпидемиологиялық бақылау департаментінің өкілі Ғизат Әбешев.
Жаңа қаулы 20 қаңтар сағат 00.00-ден бастап күшіне енеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
