Еңбек еткісі келетіндер үшін қалада да, ауылда да барлық жағдай жасалған - Назарбаев

20 Сәуір 2015, 16:47
0
Еңбек еткісі келетіндер үшін қалада да, ауылда да барлық жағдай жасалған - Назарбаев - Нұрсұлтан Назарбаев. © РИА Новости
Нұрсұлтан Назарбаев. © РИА Новости

Елбасы Алматы облысына сапарының қорытындысы бойынша БАҚ өкілдері үшін брифинг өткізді, - деп хабарлайды Tengrinews.kz Ақорда баспасөз қызметіне сілтеме жасап.

Баспасөз қызметінің мәліметінше, Қазақстан Президенті елдің орнықты дамуы мемлекеттік саясаттың арқасында қамтамасыз етіліп отырғанын атап айтты.

"Еңбек еткісі келетіндер үшін қалада да, ауылда да барлық жағдай жасалған. Республиканың барлық облыс орталықтары түрлене түсті, аудан орталықтары жүйелі дамып келеді. Мемлекет ауыл шаруашылығы саласына қомақты қаражат бөлуде. Бұл салада өндірілетін өнім көлемін ұлғайтуға, сәйкесінше, ауыл тұрғындарының әл-ауқатын арттыруға мүмкіндік береді", - деді Мемлекет басшысы.

Нұрсұлтан Назарбаев  "Қазақстан-2050" Стратегиясы мен негізгі мемлекеттік бағдарламаларды жүзеге асырудағы мақсат елімізді әлемнің дамыған 30 мемлекетінің қатарына қосу екенін атап өтті. Соңында Мемлекет басшысы облыс тұрғындарына бақ-береке және табыс тіледі.

Еске сала кетейік, бұған дейін Нұрсұлтан Назарбаев Алматы облысы Қарасай ауданының тарихи-өлкетану музейінде болды. Сондай-ақ Президент сыныптастарымен кездесу өткізіп, Алматы облысының Жамбыл ауданына барды. Назарбаев ол жерде Ұзынағаш ауылындағы Қарасай батыр ескерткішіне гүл шоғын қойды, сондай-ақ Жамбыл ауылындағы Жамбыл Жабаев кесенесіне барып, ескерткішін көрді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай