Ермұхамет Ертісбаев Қазақстан Халық партиясының басшысы болды, - деп хабарлайды Tengrinews.kz тілшісі партия баспасөз қызметіне сілтеме жасап.
Кезектен тыс съезд барысында ҚХП төрағасы лауазымына Ермұхамет Ертісбаевтың кандидатурасы ұсынылған. Кандидат бірауыздан мақұлданған.
Бұрынғы басшы, ҚХП парламенттік фракциясының басшысы, Мәжіліс депутаты Айқын Қоңыров төрағаның бірінші орынбасары болып тағайындалды.
"Партияның әділетті демократиялық мемлекет туралы идеясы жан-жақты дамуды талап етеді. Партияның трансформациясы жалғасып жатыр және бұл үдеріс үздіксіз болуы керек. Алдымызда партияның басшылық құрамын партиялық құрылымдарда, мемлекеттік қызметте, өкілді органдарда, азаматтық секторда тәжірибесі бар жаңа адамдармен көбейту мәселесі тұр", - деді Айқын Қоңыров.
Сілтемесіз жаңалық оқисыз ба? Онда Telegram желісінде парақшамызға тіркеліңіз!