Грузия президенті маусым айының соңында Қазақстанға келуді жоспарлап отыр

Мөлдір Қалықова

Грузия елшісі Зураб Абашидзе Мемлекет басшысы Нұрсұлтан Назарбаевқа сенім грамотасын тапсыра отырып, Грузия президентінің маусым айының соңында Астанаға келуді жоспарлап отырғанын айтты, - деп хабарлайды Tengrinews.kz тілшісі.

Грузия елшісі Зураб Абашидзе Мемлекет басшысы Нұрсұлтан Назарбаевқа сенім грамотасын тапсыра отырып, Грузия президентінің маусым айының соңында Астанаға келуді жоспарлап отырғанын айтты, - деп хабарлайды Tengrinews.kz тілшісі.

"Грузия президенті Георгий Маргелашвилидің 29-30 маусымда Астанаға келіп, біздің саяси, сауда-экономикалық, инвестициялық, гуманитарлық-мәдени қарым-қатынасымызды дамытуға өз үлесін қосатыны жайлы талқыланып жатыр", - деді Зураб Абашидзе.

Өз кезегінде Нұрсұлтан Назарбаев Қазақстанның Грузиямен екіжақты қарым-қатынасты дамытуға басты назар аударатынын айтты.

Айта кетейік, Ақордада жеті елдің елшісі Қазақстан Президентіне сенім грамотасын тапсырды. Грамоталарды Қазақстандағы Марокко елшісі Әбделжалил Собри, Оңтүстік-Африка Республикасының елшісі Кийтуметци Сийпело Тандека Мэттьюс, Біріккен Араб Әмірлігінің елшісі Мухаммед Ахмед Султан Иса Әл-Джабер тапсырды.

Сондай-ақ, Қазақстандағы Сауд Арабиясының елшісі Захир бен Мутиш Әл-Анези, Малайзия елшісі Дато Саид Мохамад Бакри Бин Саид Абдул Рахман, Грузия елшісі Зураб Абашидзе, Моңғолия елшісі Лувсан Баттулга Қазақстан Президентіне грамоталарды тапсырды.

Сенім грамоталарын алған Нұрсұлтан Назарбаев делегаттарды Қазақстандағы дипломатиялық қызметімен құттықтады.

Сондай-ақ, Мемлекет басшысы биыл Қазақстанның басқа елдермен халықаралық қатынастарды бастағанына 25 жыл толғанын еске салды.

Сыртқы саясат Грузия