Интернационалист-жауынгерлерге құрмет көрсетілді

18 Ақпан 2014, 16:19
0
Интернационалист-жауынгерлерге құрмет көрсетілді - Марапатталған ардагерлер
Марапатталған ардагерлер
Өскеменде интернационалист-жауынгерлерге құрмет көрсетілді. Облыстық Ішкі істер департаментінде Кеңес әскерлерінің Ауған жерінен шығарылғанына 25 жыл толуына орай интернационалист-жауынгерлерді марапаттауға арналған салтанатты жиын өтті, деп хабарлады облыстық ІІД баспасөз қызметі Tengrinews.kz тілшісіне.

Салтанатты жиында облыстық Ішкі істер департаментінің бастығы Рашид Жақыпов Ауған соғысына қатысқан ішкі істер органдарының қызметкерлері мен ардагерлерін құттықтап, медальдар мен алғыс хаттарды табыс етті.

Нақтырақ айтсақ, еліміздің Ішкі істер министрлігінің бұйрығымен бұл күні Шығыс Қазақстанның ішкі істер органдарының 8 ардагері мен үш қызметкері марапатталды.

Марапатталғандардың арасында 1987-1989 жылдары Ауғанстанның Шинденд ауданында әскери борышын өтеген Ерлан Сейілханов пен Кабулда қызмет еткен Ермек Дүйсембеков бар.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай