Сыртқы істер министрлігі Ирандағы жер сілкінісі мен жарылыстардан зардап шеккендер арасында қазақстандықтар жоқ екенін мәлімдеді, - деп хабарлайды Tengrinews.kz тілшісі.
"Иран билігінің мәліметінше, зардап шеккендер арасында Қазақстан азаматтары жоқ. Елшілікке мұндай ақпарат түспеді", - деді Сыртқы істер министрлігінің баспасөз хатшысы Айбек Смадияров.
Еске салайық, жексенбіге қараған түні Ирандағы әскери инфрақұрылым нысандарында бірқатар күшті жарылыс болып, бірнеше қалаларда әуе шабуылы туралы ескерту жарияланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
