24 қаңтар 2020 17:59

Жамбыл облысы экономикалық даму бойынша алдыңғы қатардан көрінді

ПОДЕЛИТЬСЯ

Жамбыл облысы өткен жылдың қорытындысына сәйкес экономикалық өсім бойынша алдыңғы қатарда тұр. Бұл туралы бүгін ел Президенті Қасым-Жомарт Тоқаевтың қатысуымен өткен Үкіметтің кеңейтілген отырысында айтылды. Мемлекет басшысына өңірлердің экономикалық көрсеткіштері туралы баяндаған ҚР премьер-министрі Асқар Мамин Жамбыл облысының үздіктердің қатарында екенін тілге тиек етті, - деп хабарлайды Тengrinews.kz тілшісі. 


Жамбыл облысы өткен жылдың қорытындысына сәйкес экономикалық өсім бойынша алдыңғы қатарда тұр. Бұл туралы бүгін ел Президенті Қасым-Жомарт Тоқаевтың қатысуымен өткен Үкіметтің кеңейтілген отырысында айтылды. Мемлекет басшысына өңірлердің экономикалық көрсеткіштері туралы баяндаған ҚР премьер-министрі Асқар Мамин Жамбыл облысының үздіктердің қатарында екенін тілге тиек етті, - деп хабарлайды Тengrinews.kz тілшісі. 

"Әрбір өңір ел экономикасын дамытуда маңызды рөл атқарады. 2019 жылдың қорытындысына сәйкес 7 көрсеткіш бойынша 8 өңірде - Шығыс Қазақстан, Жамбыл, Қызылорда, Атырау, Алматы, Батыс Қазақстан және Солтүстік Қазақстан облыстарында, сондай-ақ Алматы қаласында әлеуметтік-экономикалық дамудың негізгі көрсеткіштері бойынша озық өсу қарқыны қамтамасыз етілді",-деді өз сөзінде Үкімет басшысы.

Сондай-ақ, Асқар Ұзақбайұлы мемлекеттік-жекеменшік әріптестік шеңберінде Еуропалық Қайта Құру және даму банкімен бірлесіп жеті өңірде, оның ішінде Жамбыл облысында да көп бейінді аурухана іске қосылатынын жеткізді.

Айта кетейік, облыстың дамуында оң динамика сақталып отыр. Өткен жылғы экономиканың өсуі 105,5 пайызды құраса, өнеркәсіп, ауыл шаруашылығы, тұрғын үй, инвестиция, сауданың өсуі республикалық орта көрсеткіштен жоғары. Ал, құрылыс жұмыстары 109 пайызға орындалған.

Бюджеттік кірістер артығымен орындалып, 99,9 пайызға игерілген. Ол өңірлер арасында жоғарғы көрсеткіштің бірі. Сол сияқты, былтыр өңірде кәсіпкерлерге 8,6 миллиард теңге шағын несие берілсе, екі мың адамға 505 мың теңгеден 1,2 миллиард теңге грант бөлінген. Бұл да республикадағы алдыңғы нәтиже.

Асқар Мамин Жамбыл облысының тұрғындарының тұрмыстық табысын жақсарту жобасының барысына тоқталып, күтілетін нәтижесіне назар аудартты.

"Халықтың 60 пайызы ауылдық жерлерде тұратын Жамбыл облысында жеке қосалқы шаруашылықтарды дамытуды ынталандыру бойынша шаралар кешені қабылдануда. Осы жоба аясында таяу екі жылда ауыл шаруашылығы өнімдерін шығару 34 пайызға, кәсіпорындар жүктемесі 30 пайызға өседі, 4 мыңнан астам жаңа жұмыс орны құрылады", - деді Үкімет басшысы.

Айта кетейік, аталған жобаның пилоттық кезеңінде өңірдегі 11 ауылдық округ қамтылуда. Жоба аясында жалпы 7 886 аула қамтылмақ. Оның 2 459 өтінімі "Тараз" ӘКК АҚ-ы арқылы тікелей несилендірілуде. Сол сияқты қажетті тұқым, минералды тыңайтқыш және химиялық қорғау заттары кооперативтер арқылы қаржыландырылып жатыр.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети