25 тамыз 2020 13:40

Жыныстық тәрбие оқулықтары пайда болатыны хабарланды - Баспа өкілі түсінік берді

ПОДЕЛИТЬСЯ

© Тұрар Қазанғапов © Тұрар Қазанғапов

Қазақстан мектептерінде жыныстық тәрбие оқулықтары пайда болатыны туралы хабарламалар тарап жатыр, - деп хабарлайды Stopfake.kz.


Қазақстан мектептерінде жыныстық тәрбие оқулықтары пайда болатыны туралы хабарламалар тарап жатыр, - деп хабарлайды Stopfake.kz.

Бұл хабарламалар таяуда әлеуметтік желілерде тарала бастады. Хабарлама авторлары қазақстандықтарды осы мәселе бойынша сайт арқылы дауыс беруге шақырған. 

Дереккөзге сүйенсек, іс жүзінде бұл суреттер Ресейде 2010 жылы жарық көрген "Мен қалай дүниеге келдім" кітабынан алынған. Оның қазақстандық білім беру жүйесіне еш қатысы жоқ болып шықты.

Stopfake мамандары осыны нақтылау үшін "Оқулық" республикалық ғылыми-практикалық орталығымен байланысқа шыққан.

"Жазбада көрсетілген кітаптың қазақстандық оқулықтарға ешқандай қатысы жоқ. Оған қоса, Қазақстан мектептерінде жыныстық тәрбие сабағы жоқ. Мектеп оқулықтарының мазмұны БҒМ бекіткен Қазақстан Республикасының Мемлекеттік жалпыға міндетті білім беру стандартына және үлгілік оқу жоспарларына, сондай-ақ, әрбір пән бойынша үлгілік оқу бағдарламаларына сәйкес дайындалады. Бұл құжаттарда жыныстық тәрбие туралы пән жоқ", - деп түсіндірді орталық директоры Ғани Бейсембаев.

Ол оқулықтар мектеп бағдарламасына енгізілмес бұрын, мазмұны бірнеше кезеңнен тұратын емтихандар мен сынақтардан өтіп, тексерілетінін айтты. 

Қазақстан жаңалықтары. Соңғы жаңалықтар. Telegram желісінде бізге жазыл! 

Читайте также
Join Telegram

Валюта бағамы

 449.57   483   4.85 

 

Ауа райы

 

Редакция Жарнама
Социальные сети