1. Басты
  2. Біл
  3. Жаңалықтар
  4. Ел жаңалықтары

"Калькулятор-қыз": Ақтаулық оқушы әлемдік рекордты орнатты03 қазан 2018, 08:21

©24.kz ©24.kz

Ақтаулық алтыншы сынып оқушысы Орынгүл Арыстан менталдық арифметикадан әлемдік рекорд орнатқан команданың құрмында болды, - деп хабарлайды Tengrinews.kz тілшісі "Хабар 24" телеарнасына сілтеме жасап.

Ол әлемнің 150 білімді оқушысымен бірге 30 мың есепті бар болғаны 26 минут 26 секундта шығарған. Жаңа рекорд Ресейде өткен Еуразиялық әйелдер форумында орнатылды.

Балалардың ойлау жүйесіне арналған мұндай бағдарламамен Орынгүлдің оқып жүргеніне бірнеше жыл болған. Санаулы минуттардың ішінде-ақ есеп шығарғаны үшін сыныптастары оны "калькулятор-қыз" деп атайды екен. Әлемдік байқауға қатысу үшін Орынгүл бірнеше ай бойы күніне екі сағаттан жаттықан. 

"Байқау бірнеше кезеңнен тұрды. Солардың бірінде біз қарындашты бір-бірімізге бере отырып, есептерді тез арада шығардық. Бұл мен үшін өте пайдалы тәжірибе болды. Бірақ, болашақта мен математик емес, дәрігер болғым келеді", - деді оқушы.