+7 (777) 001 44 99
ПОДЕЛИТЬСЯ
Қарағанды облысында аңға шыққан бір топ адам өрт құрсауында қалып, біреуі қаза болды. Денесін күйік шалған тағы бір азамат ауруханада жатыр, - деп хабарлайды Tengrinews.kz тілшісі КТК телеарнасына сілтеме жасап.
Қарағанды облысында аңға шыққан бір топ адам өрт құрсауында қалып, біреуі қаза болды. Денесін күйік шалған тағы бір азамат ауруханада жатыр, - деп хабарлайды Tengrinews.kz тілшісі КТК телеарнасына сілтеме жасап.
Телеарна мәліметінше, Қарқаралы ауданындағы Қоянды ауылының маңында өртеніп жатқан жерден 31 жастағы аңшының мүрдесі табылған. Оның 53 жастағы досы қолын, мойнын және бетін күйік шалып ауруханаға жеткізілген.
"Жарақаттанған ер адамның айтуынша, далада жүріп келе жатқанда машинадан өрт шыққан. Құрғақ шөпке тиген от лезде лаулап өршіген. Аңшылар өртті қолдан жасалған құралдармен сөндіруге тырысқанымен еш нәтиже болмаған. Әбден шаршаған олар қара түтіннен бір-бірін көрмей адасып қалыпты", - деді Қарағанды облысы Төтенше жағдайлар департаментінің мемлекеттік өрт бақылау басқармасының бастығы Нұрлан Жақыпбаев.
Ер адамның өліміне қатысты тергеу басталды. Қазір қажетті сараптамалар жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
