+7 (777) 001 44 99
ПОДЕЛИТЬСЯ
Оңтүстік Кореяда Қазақ хандығының 550 жылдығы атап өтілді, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.
Оңтүстік Кореяда Қазақ хандығының 550 жылдығы атап өтілді, - деп хабарлайды Tengrinews.kz тілшісі ҚР СІМ баспасөз қызметіне сілтеме жасап.
Баспасөз қызметінің мәліметінше, Қазақ хандығының 550 жылдығына орай Корея Республикасында білім алып жатқан жастар мен Сеулдегі Қазақстаның елшілігі бірлесіп Оңтүстік Кореяның ірі қалалары арқылы веложарыс өткізді.
"Жас энтузиастар үш күн ішінде 550 шақырым жолды велосипедпен жүріп өтіп, Ұлы Дала елі туралы кездескендерге таныстырып оралды. 12 адамнан тұратын команда 7 қазанда Сеулден бастап, Соннам, Сувон, Осан, Чонан қалаларына тоқтап, Сэджон әкімшілік орталығы арқылы Оңтүстік Кореяның технологиялық бас қаласы Тэджонға жетіп, 9 қазан күні Сеулге қайтып келді", - дейді СІМ баспасөз қызметіндегілер.
© ҚР СІМ баспасөз қызметі
Айта кетейік, бұл іс-шараның басты мақсаты - Астанада "Болашақ энергиясы" тақырыбында өтетін ЕХРО-2017 халықаралық көрмесін ілгерілету. Қазақстандық студентер өз үлгілерімен адамның мүмкіндіктерін және қоршаған ортаны сақтаудың маңыздылығын көрсетті.
