+7 (777) 001 44 99
ПОДЕЛИТЬСЯ
Қарағанды облысындағы "Қазақстан" кенішіндегі төтенше жағдайды тексеру қорытындысы белгілі болды, - деп хабарлайды Tengrinews.kz тілшісі.
Қарағанды облысындағы "Қазақстан" кенішіндегі төтенше жағдайды тексеру қорытындысы белгілі болды, - деп хабарлайды Tengrinews.kz тілшісі.
Қарағандыда "Қазақстан" кенішіндегі өрттің шығу себептері белгілі болды. Арнайы комиссия қорытындысы бойынша, жұмыс берушінің 100 пайыз кінәсі анықталды. Комиссияның сараптамалық қорытындыларына сәйкес, көмір конвейеріндегі өрт механикалық энергияның жылу энергиясына ауысуынан, конвейердің кептеліп қалған және масштабталған ролигіндегі таспа төсемінің үйкелісінен болды.
"Қазақстан" кенішінің инженерлік-техникалық қызметкерлері тарапынан өндірістік бақылаудың жоқтығы анықталды. Сондай-ақ, қауіпсіздік ережелерін сақтамау және энергетикалық-механикалық қызметке бақылаудың әлсіздігі анықталды. Қауіпсіздік талаптары мен техникалық реттеу нормаларын бұзу – бұл сәйкестік сертификатынсыз таспа төсемін пайдалану. Жұмыс аймағындағы шаң-тозаңның жоғарылауы және жану өнімдері мен кен қазбаларынан ауаның ластануы – бұл шахта жұмысшыларының өліміне әкеп соқты. Сонымен қатар, бірқатар еңбек заңнамасын бұзу фактілері анықталды. Комиссия жұмысының қорытындысы бойынша, жұмыс берушінің 100 пайыз кінәсі анықталып, заңбұзушылыққа жол берген 28 жауапты тұлға анықталды", - деп хабарлады Төтенше жағдайлар министрлігінің басшысы Сырым Шәріпханов брифинг барысында.
Сондай-ақ, ол комиссия мұндай жағдайлардың алдын алу үшін жазатайым оқиғаның себептерін жою бойынша іс-шаралар әзірлегенін айтты. Сондай-ақ, шахтадағы өрт әлі жойылмағаны белгілі болды. Оттегінің қолжетімділігін шектеу үшін 25 арнайы құрылым салынып жатыр. Қазірдің өзінде 18-і салынды, қалғандары бойынша жұмыс жалғасып жатқаны айтылды.
Авариялық-құтқару жұмыстары аяқталғаннан кейін және шахтаның авариялық учаскесі сәйкес келтірілгеннен кейін тау-кен жұмыстарын қайта бастау мүмкіндігі туралы шешім қабылданатын болады. Бүгінде шахтадағы ТЖ фактісі бойынша ҚК-нің 277-бабының 3-бөлігі бойынша "Екі және одан да көп адамның абайсызда өліміне әкеп соққан тау-кен немесе құрылыс жұмыстарын жүргізу кезінде қауіпсіздік ережелерін бұзу" бойынша тергеу жүргізіліп жатыр.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
