Синоптиктер Қазақстанда 14, 15 және 16 қаңтарда ауа райы қандай болатынын болжады, - деп хабарлайды Tengrinews.kz тілшісі.
Болжамға сәйкес, Қазақстан аумағының көп бөлігінде атмосфералық фронтал бөліктер ауа райының тұрақсыз болуына әсер етеді. Қар жауып, боран соғады, ал батыс пен оңтүстікте жауын-шашын (жаңбыр, қар), көктайғақ күтіледі. Республиканың оңтүстік-шығысында антициклонның әсерінен жауын-шашынсыз ауа райы сақталады.
"Ел бойынша ауа температурасы құбылмалы болады: батыста түнде 0-8 градус аяз, солтүстік пен шығыста 10-25 градус аяз, күндіз 5 градус аяз-5 градус жылыдан 2-10 градус аязға дейін. Оңтүстікте түнде 1-13 градус аяз, күндіз 0-12 градус жылы болады", – делінген хабарламада.
Елімізде жел күшейіп, тұман болады деп күтіледі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
