Қазақстанда бензин тапшылығы жоқ - Бозымбаев

21 Қараша 2016, 16:48
0
Қазақстанда бензин тапшылығы жоқ - Бозымбаев - © Alau.kz
© Alau.kz

ҚР энергетика министрі Қанат Бозымбаев елдегі жанармай қоры ішкі сұранысты қамтамасыз етуге жететінін айтады, - деп хабарлайды Tengrinews.kz тілшісі. 

"АИ-92 маркалы бензині мен дизель отыны бағасына реттеуден бас тарту шешімін өз уақытында қабылдау арқасында жанармай тапшылығының қаупі ең төменгі деңгейде. Сонымен қатар, АИ-92 бензинінің бағасы биылғы қыркүйекте былтырғы жылмен салыстырғанда 3-4 теңгеге қымбаттады. Жанармай қоры ішкі сұранысты қанағаттандыруға жеткілікті деңгейде. Дизель отыны бағасын мемлекет тарапынан ұстап тұрудан бас тарту дизель отынының сыртқа кетуіне жол бермей, оны импорттауға мүмкіндік берді. Дизель отынымыз көршілес елдердің барлығымен салыстырғанда арзан", - деп мәлімдеді министр ҚР Мәжілісінде өткен үкімет сағаты барысында.

Оның айтуынша, 11 қараша күні елдің мұнай базаларында 101,9 мың тонна бензин мен 10 мың тонна дизель отыны болды. 

Мұның алдында Астанада "ҚазМунайГаз" жанармай құю бекеттерінде АИ-92 маркалы бензинді қолма-қол сату тоқтатылғаны хабарланған. Ең өтімді бензин маркасын шектеулі түрде сату тағы бірқатар жанармай бекеттерінде байқалады. Астана әкімі Әсет Исекешевтің айтуынша, бензинді тұтыну температураның тым төмендеп кетуіне байланысты артқан, қазіргі кезде "ҚазМунайГаз" АҚ мен қаланың жанармай бекеттерінде АИ-92 бензинін жеткізу жүріп жатыр.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай