Қазақстандық олигархтар мен Францияның бұрынғы президенті жемқорлық бойынша күдікке ілінді

30 Қараша 2017, 10:14
1
Қазақстандық олигархтар мен Францияның бұрынғы президенті жемқорлық бойынша күдікке ілінді -

Еуропалық Airbus компаниясында Қазақстанмен байланысты жүргізіліп жатқан тергеу шараларының аясындағы  тінту шаралары өткен. Бұл мәліметті "Астана" телеарнасына компанияның баспасөз қызметі растады.

Mediapart веб-сайтының мәліметінше, тінту жұмыстары Қазақстанда 2010 жылы сатылған тікұшақтар мен спутниктерге байланысты жүргізіліп жатыр. Қазіргі уақытта Францияда осы келіссөздер кезінде төленген заңсыз комиссиялық 8,8 миллион еуроға қатысты тергеу жүріп жатыр. Қазан айының соңында компанияның топ-менеджерлерінен жауап алынған. Олар бұл іске куәгерлер ретінде қатысып отыр. Айта кетейік, бұл іс 2014 жылдан бері жүргізіліп келеді.

Сондай-ақ, тергеушілер заңсыз жасалған келіссөздерге Францияның бұрынғы президенті Николя Саркози мен бірнеше қазақстандық олигарх қатысты деп күдіктеніп отыр.

"Біз Қазақстандағы мәселе бойынша Airbus кеңселерінде тінту жүргізілгенін растаймыз. Қазіргі уақытта тергеу жүріп жатқандықтан біз осы жағдайға қатысты басқа мәлімет айта алмаймыз", -деп хабарлады компаниядағылар.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікірлерді көру (1)
Оқылып жатыр
Талқыланып жатыр
Бүгін
Апта
Ай