18 қарашада еліміздің алты облысында ауа райының қолайсыздығына байланысты ескерту жарияланды, - деп хабарлайды Tengrinews.kz тілшісі "Қазгидрометке" сілтеме жасап.
Ақмола облысының кей жерінде тұман түсіп, жаяу бұрқасын болады. Батыс, оңтүстік-батыстан соққан желдің жылдамдығы кей жерде секундына 15-20 метрге жетеді.
Жамбыл облысында тұман түсіп, көктайғақ болады. Солтүстік-шығыстан соққан желдің жылдамдығы секундына 15-20 метр, кейде 25 метрге дейін жетеді.
Қарағанды облысының кей жерінде тұман түседі.
Солтүстік Қазақстан облысының көп бөлігінде қар жауады. Кей жерде тұман түсіп, жаяу бұрқасын болады. Батыс, солтүстік-батыстан соққан желдің жылдамдығы секундына 15-20 метрге жетеді. Петропавлда жаяу бұрқасын болуы мүмкін. Жел батыс, солтүстік-батыстан соғып, жылдамдығы секундына 15-20 метрге жетеді.
Қостанай облысының кей жерінде тұман түседі.
Түркістан облысының кей жерінде тұман түседі. Солтүстік-шығыстан соққан желдің жылдамдығы секундына 15-20 метр болады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
