10 сәуір 2020 14:54

Қазақстанның бірнеше өңірінде карантин режимі ұзарды

ПОДЕЛИТЬСЯ

Қазақстанның бірнеше өңірінде карантин режимі ұзарды, - деп хабарлайды Tengrinews.kz тілшісі.


Қазақстанның бірнеше өңірінде карантин режимі ұзарды, - деп хабарлайды Tengrinews.kz тілшісі.

Бұл туралы Президенттің баспасөз хатшысы Берік Уәли Facebook желісіндегі парақшасында жазды.

"Бүгін Президент Қасым-Жомарт Тоқаевтың төрағалығымен Төтенше жағдай жөніндегі Мемлекеттік комиссияның отырысы өтті. Оған облыстар мен республикалық маңызы бар қалалардың әкімдері, сондай-ақ, мемлекеттік органдар мен құқық қорғау құрылымдарының басшылары бейнебайланыс режимі арқылы қатысты.

Фото:akorda.kz

"15 сәуірде төтенше жағдай режимі туралы Жарлығымның мерзімі аяқталады. Төтенше жағдай режимін, кем дегенде, сәуірдің аяғына дейін созуға тура келетіні қазірдің өзінде түсінікті болып отыр. Біз коронавируспен ауырудың шарықтау шегін әлі өткізген жоқпыз. Індетке қатысты жағдайды жеңілдетуге болмайды. Осы себепке байланысты карантин режимін елордада, Алматы мен Шымкентте және тиісті облыстарда сәуірдің аяғына дейін созуды тапсырамын. Мұның оңтайлы шешім емес екенін түсінемін. Өйткені халық көшеге шығып, қалыпты тұрмысын жалғастырғысы келеді. Бірақ карантин режимін сақтаудан, оқшауланудан басқа жол жоқ. Бұл отандық және халықаралық вирусолог мамандардың ұсынысы" - деп атап өтті Мемлекет басшысы өз сөзінде. Қасым-Жомарт Тоқаевтың сөйлеген сөзінің толық мәтінімен www.akorda.kz сайтынан танысуға болады", - деп жазды Берік Уәли.

Еске салайық, 19 наурызда Нұр-Сұлтан мен Алматыда карантин жарияланған болатын. Ал бірнеше күннен соң Қазақстанның басқа қалалары мен облыстары да карантинге жарияланған еді. Ал 3 сәуірде Нұр-Сұлтан мен Алматыда демалыс аптасы ұзартылды.

Айта кетейік, бүгінде Қазақстанда коронавирус жұқтырғандардың саны 802-ге жетті.

Қазақстан жаңалықтары. Соңғы жаңалықтар. Telegram желісінде бізге жазыл! 

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети