Нұрсұлтан Назарбаев пен Владимир Путиннің кездесуінен видео жарияланды, - деп хабарлайды Tengrinews.kz тілшісі.
Қысқа видео РИА Новости Кремль пулы журналистерінің Telegram-арнасында жарияланды.
"Нұрсұлтан Әбішұлы, бірінші кезекте айтқым келгені, сізді көрмегеніме көп болды. Көптен бері шақырдым, бірақ ешқайсыңыз келмедіңіздер. Жиналдық-ау, сөйлесуге мүмкіндік туды", - деді Елбасына Владимир Путин.
"Бізде жыл сайын қызмет бәсеңдемейді, белсенділік. Мен Сочиге барғым келген, қарасам: бірде қырғыз, бірде тәжік, бірде белорус (президенттері). Сосын "Кезекке тұрмаймын" деп ойладым. Мен енді еркін адаммын, үшінші жыл президент емеспін, бірақ мен сізбен кездеспей кете алмаймын...", - деді Қазақстанның Тұңғыш Президенті.
Айта кетейік, Нұрсұлтан Назарбаев пен Владимир Путиннің кездесуі Мәскеуде өтіп жатыр. Елбасы мен Ресей президенті ЕАЭО-ның даму әлеуеті мен өңірлік саясат мәселелерін талқылауға ниетті.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
