+7 (777) 001 44 99
Қазақша
Русский
English
Қазақша
Русский
English
Шымкент әкімдігі Қазақстан азаматтығынан айырылған Олег Почиваловтың ісі бойынша пікір білдірді. Ведомстводағылар Tengrinews.kz тілшісінің ресми сұрауына жауапта Олег Почиваловты сот процесіне байланысты Шымкент қаласының спорт басқармасы басшысы қызметінен шығара алмайтынын айтты.
Әкімдік өкілдері шенеуніктің Қазақстан азаматтығын жоғалту ісі сотта қаралып жатқанын мәлім етті.
"Шымкент қаласы әл-Фараби аудандық сотының 9 ақпандағы ұйғарымы бойынша, Шымкент қаласы полиция департаментінің 2021 жылғы 20 қаңтардағы Қазақстан Республикасының азаматтығын жоғалту туралы № 5 қорытындысы және 2021 жылғы 21 қаңтардағы Олег Владимирович Почиваловқа қатысты хабарлама туралы арызды қарау сот шешімді толық және түпкілікті қабылдағанға дейін тоқтатылды", - деп хабарлады әкімдік өкілдері.
Шымкент әкімдігінің қызметкерлері шенеунікті жұмыстан шығаруға құқы жоқ екенін айтты.
"Іс сотта қаралып жатқандықтан, Шымкент қаласының дене шынықтыру және спорт басқармасының басшысы О.В. Почиваловты сот талқылауы аяқталғанға дейін жұмыстан босату немесе жазалау туралы мәселені қарау мүмкін емес", - делінген ресми сауалға жауапта.
Еске салайық, бұған дейін шымкенттік шенеунік қос азаматтығы бар деп айыпталған болатын. Бұл деректі Шымкент полициясы растады, алайда бұған дейін қала әкімдігі ақпаратты жоққа шығарған еді. Сол үшін шенеунік азаматтығынан айырылды.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
