+7 (777) 001 44 99
ПОДЕЛИТЬСЯ
29 қараша, жексенбіде Қостанай облысының бас мемлекеттік санитар дәрігері Владимир Нечитайло аймақтағы қатаң карантин шараларын тағы бір аптаға - 7 желтоқсанға дейін ұзартатын жаңа қаулыға қол қойды, - деп хабарлайды Tengrinews.kz тілшісі.
29 қараша, жексенбіде Қостанай облысының бас мемлекеттік санитар дәрігері Владимир Нечитайло аймақтағы қатаң карантин шараларын тағы бір аптаға - 7 желтоқсанға дейін ұзартатын жаңа қаулыға қол қойды, - деп хабарлайды Tengrinews.kz тілшісі.
"Осы қаулы 2020 жылы 9 қараша сағат 00:00-ден бастап күшіне енеді және 2020 жылдың 7 желтоқсаны сағат 00:00-ге дейін қолданылады", - делінген құжатта.
Қаулының толық мәтіні Қостанай облысы санитарлық-эпидемиологиялық бақылау департаментінің сайтында жарияланды.
Бұған дейін Қостанай облысының бас санитар дәрігері өңірдегі шектеулерді 30 қарашаға дейін ұзартқан болатын.
Құжатқа сәйкес, аймақта таксилерге 22.00-ден 06.00-ге дейін жүруге болмайды. Жүргізушілер мен жолаушылар міндетті түрде бетперде тағуы керек.
Сондай-ақ фудкорт, банкет залдары, аквапарк, термопарк қызметіне тыйым салынған.
Діни объектілердің (мешіттер, шіркеулер, соборлар, синагогалар), мәдениет нысандарының, кітапханалардың, музейлердің, театрлардың қызметі тоқтатылды.
Қалааралық жолаушылар қоғамдық көлігінің (автобустар, шағын автобустар, такси) жүруіне тыйым салынады.
Азық-түлік дүкендерінің, оның ішінде шағын маркеттердің, супермаркеттердің, гипермаркеттердің қызметіне тек 08.00-ден 21.00-ге дейін, ал дәріханалардың жұмысына шектеусіз рұқсат етіледі.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
